Zer da Basoa?

Basoa espazioa Laudioko Isasi auzoan kokaturik dago, Laudio institutuaren esparruaren baitan. Ondoan, Laudioko ortu komunitario eta ekologikoak kokatzen dira, non 2019tik, Kirikinok bertan baratzea duen.

Testuinguru honetan, egun Laudio institutuaren baitan Basoa espazioa bezala ezagutzen duguna, 25 urte baino gehiago zeramatzan erabilia izan gabe, bai naturgunea, zelaia, espaloiak, aterpeak eta baita kiroldegia ere.

2021eko martxoaren amaieran, Kirikino aisialdi taldeak herri mailan hezkuntza, elikadura burujabetza eta euskalgintza eragile askoren babesari esker, proiektuak lehen bihotz taupadak eman zituen, Laudioko institutuaren babes eta laguntzarekin.

Martxotik irailera bitartean auzolanak izan ziren nagusi lekua txukundu eta berriro bizigarri bilakatzeko. Tartean, auto-finantziaziorako jarduera ezberdinak egon ziren, udalekuak eta udako kultur zikloa, besteak beste.

Irailetik aurrera, espazio eta proiektuaren sozializazio lanak nagusitu ziren, Basoaren aldeko eguna, bertso saioa, kontzertuak edota argazki erakusketa ibiltariaren bidez. Gainera finantziaziorako ere baliagarria izanik.

Azaroan aldiz, espazioa argiztatzeko diru bilketa kanpaina egin zen, eguzki energia bidez funtzionatzen zuten foko batzuen bitartez espazioa negu partean arratsaldeko jarduna ahalbidetu ahal izateko.

30 fruta arbol ingururekin, gehienak 2023ko negu amaieran landatuak, urtero fruta zukua egiten da eta aurrerantzean, atontzen ari den sukaldearen bidez, mermeladak eta bestelako baratzeko kontserbak egitea ahalbidetu nahi da, otordu ezberdinak egiteaz gain.

Denborak aurrera egin ahala, proiektua martxa hartzen joan da, hilabetero egitarau xumeak prestatuz (tailerrak, ekitaldiak, ikastaroak edo kultur eskaintza tarteko). Egun auzolanak igandeetan gauzatzen dira, eta proiektuan parte hartzeko prestutasuna duen pertsona oro da ongi etorria.

Basoan dauden azpi-proiektuak