ERREZETA | Intxaur saltsa

Udazkena aurrera doa eta negua hurbiltzen ari da. Sasoi honetako fruitu preziatuak ditugu intxaurrak, hain dira prezioatuak, saltsa propioa dutela: intxaur saltsa. Hemen duzu etxean egiteko errezeta, gozatu.

Osagaiak

• 500 ml. esne
• 500 ml. esne-gain
• 2 kanela-makiltxo
• 200 gr. intxaur
• 200 gr. azukre

Gainera ere beharko ditugu

• 500 ml. esne-gain harrotu eta 100 gr. azukre
• 100 gr. intxaur txikituta
• Kanela-hautsa

Prestaketa

1. Esnea, esne-gaina eta kanela eltze batean irakin.
2. Intxaurrak eta azukrea ehotu hauts bilakatu arte.
3. Hauts hori esnearen eta esne-gainaren nahasketari gehitu, sutan jarri eta hagaxkekin nahasi.
4. Irakiten hastean, 8 minutuz irabiatu eta nahasi.
5. Katilu batera bota eta gau osoa utzi hozkailuan.
6. Intxaur-saltsa ongi nahasi (esne-gainarekin edo esnearekin nahi beste txikiagotu edo arindu) eta katiluetan zerbitzatu.
7. Esne-gain harrotuarekin eta intxaur zatiekin dekoratu, eta kanela apur bat hautseztatu.

ON EGIN!