Udaberrilekuak apirilaren 22tik 24ra, sormen eta naturan nahi beste gozatzeko

Natura eta sormena ardatz izango duten udaberrilekuak garatuko dituzte Laudioko Kirikino aisialdi taldeko kideek apirialren 22tik 24ra bitartean, Laudioko institutuarekin elkarlanean duten gunean, Basoan. Goizeko plana izango da aipatutako egunetan, gozamenerako hamaika proposamenekin.

Udaberrileku irekiak naturan

Apirilaren 22, 23 eta 24an burutuko dira udaberrilekuak Laudioko Isasi auzuneko Basoa espazioan (Laudio BHI) eta Kirikinoren baratzean. 2011 eta 2014 urteen artean jaiotako haurrentzako zuzendutako udalekua izango da. Ordutegiari dagokionez, 9:30etan hasi eta 13:30 bitarte iraungo du esku hartzeak.

Udaberrilekuek jolas librea ardatz izango badute ere, sormena, natura edo sukaldaritza bezalako jardueretaz gozatu ahal izango dute bertaratzen diren haurrak.

Udaberrilekuak, izen ematea eta prezioa

Plaza mugatuak izango dira eta izena emateko epea apirialren 8an itxiko da. Parte hartzeko, izenemateakirikino@gmail.com helbide elektronikora idatzi beharko da. Zalantzak aldiz, 688726665 zenbakian argituko dira.

Kirikinoko bazkideentzako prezioa 35€ izango dira. Bazkideak ez diren horientzat aldiz, 40€koa izango da prezioa.

Udaberrilekuetako kartela